“Salnaməfilm” studiyasının əməkdaşları tərəfindən lentə alınan “Silahdaşlar” sənədli filmi yanvarın 20-də Nizami Kino Mərkəzində nümayişi olunacaq.
Nizami Kino Mərkəzindən AZƏRTAC-a bildirilib ki, 20 Yanvar – Ümumxalq Hüzün Gün ilə əlaqədar bütün komediya janrlı filmlər repertuardan çıxarılacaq. Təmənnasız olaraq nümayiş olunacaq “Silahdaşlar” filmi 2 seansda – saat 12:00 və 15:00-da təqdim ediləcək.
Qeyd edək ki, filmin rejissoru Əməkdar incəsənət xadimi Nizami Abbas, ssenari müəllifi Xalq artisti Ramiz Fətəliyevdir. Filmin müəllifləri kino işçilərinin Qanlı Yanvar hadisələri zamanı hansı şəraitdə işlədiklərini göstərmək istəyiblər. Ekran əsərində 20 Yanvar faciəsindən əvvəl və sonra baş verən hadisələr öz əksini tapıb.
