75-ci Kann Film Festivalı cari il mayın 17-dən 28-dək keçiriləcək.
Festivalın əsas nümayəndəsi Tyeri Fremo Kann Film Festivalının 75-ci yubileyinin xüsusi pandemiya, Ukraynadakı müharibə, dəyişmiş və yenidən dəyişəcək dünya şəraitində baş tutacağını bildirib. AZƏRTAC xəbər verir ki, bu il Kann Festivalına 2200-dən çox film təqdim olunub. Onlardan yalnız 20-si “Qızıl Palma” mükafatına namizəd seçiləcək.
Bildirilib ki, Kann Film Festivalının münsiflər heyətinin adları yaxın günlərdə açıqlanacaq.
