Şimali Atlantika Müqaviləsi Təşkilatının baş katibi Yens Stoltenberq deyib ki, NATO Ukraynaya qoşun yeritməyəcək və səmanı bağlamayacaq.
UNİAN müxbirinin verdiyi məlumata görə, Stoltenberq bunu Alyansa üzv ölkələrin dövlət və hökumət başçılarının fövqəladə sammiti öncəsi brifinqdə deyib.
“Biz açıq şəkildə bildirdik ki, biz NATO quruda və ya havada qoşunlarını göndərməyəcəyik”, – Stoltenberq vurğulayıb.
O deyib ki, Alyans Ukraynadan kənarda daha da çox əzab, ölüm və dağıntılara səbəb olacaq münaqişənin genişlənməsinin qarşısını almağa borcludur.
“Ukrayna üzərində uçuşa qadağa zonası elan etmək o deməkdir ki, biz bunu etməliyik. Uçuşsuz zonanın tətbiqi isə o deməkdir ki, biz Rusiya, Belarusiya hava hücumundan müdafiə sistemlərinə hücum etməli, həmçinin Rusiya təyyarələrini vurmağa hazır olmalıyıq. Bu zaman NATO ölkələri ilə Rusiya arasında genişmiqyaslı müharibə riski çox yüksək olacaq və çoxlu ölüm və dağıntılara səbəb olacaq”, – deyə o vurğulayıb.
