Ukrayna Prezidenti Volodimir Zelenski Rusiya ilə müharibənin nə vaxt bitəcəyi və ölkəsi üçün nəyin qələbə ola biləcəyindən danışıb.
“Report” xəbər verir ki, Zelenski bu barədə ənənəvi gecə müraciəti zamanı bildirib.
Dövlət başçısı qeyd edib ki, bu sual mövcuddur, həm də onun sadə cavabı yoxdur.
“Qələbə olanda hamı bunu hiss edəcək. Sülh gələndə bunu hamı görəcək. Amma bunun daha sürətli baş verməsi üçün nə vaxt və nə olacağını düşünməməliyik, hər gün necə edəcəyimizi düşünməliyik. İşğalçılar bizim torpağımızda daha dözülməz olaraq qalırlar”, – Zelenski deyib.
Onun sözlərinə görə, Ukrayna sülhə hazırdır. Müharibə yalnız Donbasda davam edəndə hazır idi, indi də hazırdır.
Ancaq Rusiyanın sülhə can atması üçün hər bir ukraynalı kişi və qadın hələ mübarizə aparmalıdır.
