Rejissor Aydın Arslanın “Aktyor” bədii filmi avqustun 29-dan etibarən kinoteatrlarda nümayiş olunacaq.
AZƏRTAC xəbər verir ki, filmin mövzusu milli-mənəvi dəyərlərə sadiq, mühafizəkar aktyor Fərhadın həyat hekayəsi üzərində qurulub.
Ekran əsərində əsas rolları Tural Əhməd, Səmimi Fərhad, Türkay Cəfərli, Könül Şahbazova, Manaf Dadaşov, Mamed Qurbanov, Elvin Əhmədov və Məhəmməd Verdizadə ifa ediblər. “Aktyor” rejissorun ilk tammetrajlı filmidir.
