Türkiyə Radio və Televiziya Qurumunun (TRT) birgə istehsalı olan “Aslan: Hürkuş itirilmiş almaz” filmi Avropada nümayiş etdirilir.
AZƏRTAC xəbər verir ki, Türkiyənin kinoteatrlarında tamaşaçılara təqdim edilən və 1 milyondan çox tamaşaçısı olan film kino macərasını Avropaya daşıyacaq.
Bu gündən etibarən Almaniyanın 30 şəhərində 32 kinoteatrda nümayiş olunacaq TRT-nin ortaq istehsalı olan film, həmçinin fevralın 18-də Avstriyada 3 şəhər və 4 fərqli kinoteatrda göstərəiləcək.
Fevralın 24-də Danimarkada təqdim olunacaq filmin, eyni zamanda Belçika, Hollandiya, Lüksemburq və İngiltərədə də nümayişi planlaşdırılır.
Animasiya janrında çəkilmiş filmdə pilot ulu babasından miras qalan şəxsi təyyarə “Hürkuşu” işə salmaq üçün mühəndis olmağı hədəfləyən Aslanın başına gələn macəradan bəhs edilir.
