KASIBLIQ, BOLLUQ
- Varlılar xalqı yoxsulluqdan qurtarmazlar.
- Kəndli nə qədər yoxuldursa, yanban[1] bir o qədər dövlətlidir.
- Bir dövlətli on kəndi müflis qoyar.
- Anadan olanda kasıb da birdir, varlı da.
- Ağzı və qarnı kasıbın düşmənidir.
- Pula ehtiyacı olmayan yoxdur.
- Qarnını doyurmağa heç nə yoxdursa, adamın heç doğma atası yada düşmür.
- Kasıb evində ehsan tez-tez verilmir.
- Toyda hay-küy çoxdursa, deməli, yemək azdır.
- Yoxsul batanda suyun üzünə boş cibləri çıxır.
- Həmişə kasıba elə gəlir ki, xeyrat günləri tez-tez olur.
- Yoxsul evdə Tanrı da ac qalır.
- Yoxsul evdə çubuq da fırlatsan, dəyməyə bir şey tapılmaz.[2]
- Bir tikəyə on ağız açılır.[3]
- Kasıb üçün də soyumuş düyü – düyü deyil, ucuz qəlyanaltı onu da doydurmaz.
- Rahibi montastr bəsləyir.
- Təmizlənmiş stoldakı toz qədər cibində pul var.
- Ac adam düyüyə almaz dağına baxan kimi baxır.
- Qarnı tox olmayan at yaxşı işləməz.
- Ac adam əşyalarının qeydinə qalmaz.
- Xeyrat olmasaydı düyü yeyə bilməzdi.
- Ac digər acın evində qarnını doydura bilməz.
- Ac adam həyatı daha yaxşı başa düşür.
- Bədənində bit tapanda yoxsul olduğunu başa düşürsən.
- Yeni yoxullaşan insan əvvəldən yoxsul olanla müqayisədə daha betərdir.
- Kasıb adam tonqalın yanında özünü tox hiss edər.[4]
- Kasıbın varı dağarçığında olar.
- Qarnı ac olanın ağlına min cür fikir gələr.
- İlk corabını qırx yaşında aldı.
- Yazda soyuq düyü də ləzzət edər.
- Bayramqabağı yeddi gün aclıq çəkər.
- Yoxsul kəndli uzun ili sevməz.[5]
- Pulsuz hər yer boş səhra kimi görünür; pulun olanda isə istənilən dağ gözünə almaz kimi görünər.
- Yazda muzdur kimdən düyü borc alacağını düşünməməlidir.
- Kasıbın da ülvi arzuları olur.
- İnsan nə qədər yoxsul olsa, bir o qədər gözəl ev tikər.
- Yoxsulluq umu-küsü yaradır.
- Başqasının malı ilə özünü varlı göstərir.
- Nağd çörək – əlində olandır.
- Torpağını satmaqdan gələn pulu qazanc hesab etmə.
- Ehtiyac adamı daha erkəndən işə başlamağa vadar edir.
- Açıqürəkli insan var-dövlət yığa bilməz.
- Qarnı tox insana müdiri də əziz insan kimi görünər.
- Varlının mədəsində də piy olur.
- Varlı lombarda getməz.
- Varlının mədəsi ləyənə, kasıbınkı oyuğa bənzər.
- Toxun acdan xəbəri olmaz.
- Varlanmış yoxsul sədəqə vermir.
- Pulunu artırmaq üçün sahibkar torpağı icarədardan səpindən qabaq alır.
- Öz pulunun qədrini bilir, yadınkının yox.
- Qonşunun min lyanı[6] özünün bir pını[7] qədər deyil.
- Kasıblara pul ver, kömək et, məbədlərə deyil.
[1] Mülkədar
[2] Yoxsulluğun həddini göstərən ifadədir.
[3] Yoxsulluğun yüksək həddini göstərir.
[4] Canı qızan adam ac da olsa, özünü yaxşı hiss edər mənasındadır.
[5] Fevral 29-dan olan il nəzərdə tutulur.
[6] Lyan – qədim pul vahidi.
[7] Pın – qədim pul vahidi (1 lyan 20 pına bərabərdir)
