Paytaxtda nağdsız ödəniş sisteminə keçməyən marşrut sayı açıqlanıb.
Axar.az xəbər verir ki, bu barədə Sputnik Azərbaycan-a açıqlamasında Bakı Nəqliyyat Agentliyinin mətbuat katibi Mais Ağayev məlumat verib.
O, bildirib ki, paytaxtda sərnişindaşımada kartsız işləyən marşrutların sayı 89-dur. Nağdsız ödəniş sisteminə inteqrasiya olunan marşrut xətlərinin sayı isə 75-ə çatıb. M. Ağayev bu prosesin sürətlə davam etdirildiyini bildirib.
Xatırladaq ki, sentyabrın 3-də 194 nömrəli marşrut xətti (Qobu Park Yaşayış Kompleksi – “20 Yanvar” m/st. ) üzrə hərəkət edən avtobuslarda gediş haqqının “BakıKart” vasitəsilə ödənilməsinə başlanılıb.
Bir neçə gün öncə isə 165 nömrəli marşrut xətti üzrə hərəkət edən avtobuslarda gediş haqqı “BakıKart” vasitəsilə ödənir.
Avqustun 18-də 130 nömrəli müntəzəm marşrut xətti üzrə hərəkət edən avtobuslarda gediş haqqının “BakıKart” vasitəsilə ödənilməsinə başlanılıb.
