İsrail ordusuna aid döyüş təyyarələri Livanın cənubunda sərhədə yaxın yaşayış məntəqələrini vurub.
APA Türkiyə mətbuatına istinadən xəbər verir ki, İsrail Livanın cənubunda Litani çayının ətraf kəndlərini vurub.
Məlumata görə döyüş təyyarələri 14 nöqtəyə hava hücumu təşkil edib. Dağlıq ərazidə və dərələrdə güclü partlayış səsləri eşidilib.
Bəzi kənd və qəsəbələrdə yanğınların baş verdiyi bildirilir. Hücumlar zamanı insan tələfatı ilə bağlı məlumat verilmir.
