Pakistan Əfqanıstanda İŞİD terror qruplaşması ilə mübarizədə “Taliban”a yardım edir.
Bu barədə “Washington Post” qəzeti məlumat yayıb.
Qəzetin yazdığına görə, Pakistan “Taliban”a kəşfiyyat məlumatlarını ötürmək və terrorçularla mübarizədə texniki dəstək vermək üçün qeyri-rəsmi kəşfiyyat kanallarından istifadə edir. Xüsusilə, İŞİD üzvlərini və onların əməliyyat mərkəzlərini müəyyən etmək üçün telefon və internet rabitəsini izləməyə kömək edir.
Bundan əvvəl “Taliban” sözçüsü Bilal Kərimi deyib ki, “Taliban” İŞİD-i ciddi təhlükə hesab etmir və onunla mübarizə aparmaq üçün kənardan köməyə ehtiyac duymur.
Qəzet vurğulayır ki, ABŞ qoşunlarının geri çəkilməsindən sonra kəşfiyyat xidməti “Taliban”la rəsmi və qeyri-rəsmi təmaslar qurur, Amerika tərəfi mütəmadi olaraq İŞİD əməliyyatları haqqında məlumatı Kabilə ötürməyə çalışır. Lakin bir çox hallarda “Taliban” verilən məlumatlara maraq göstərmir və ya ondan necə istifadə edəcəyini bilmir. (report)
