İngiltərənin “Mançester Siti” komandası 2020/21 mövsümündə vaxtından əvvəl ölkə çempionu olub.
“Report” xəbər verir ki, bu, turnir cədvəlində ikinci yer tutan “Mançester Yunayted”in “Lester”ə 1:2 hesabı ilə məğlubiyyətindən sonra məlum olub.
Xosep Qvardiolanın yetirmələri “Mançester Yunayted”i 10 xalla qabaqlayırlar. Komandalar çempionatda üç matç keçirəcəklər.
“Mançester Siti” yeddinci dəfə İngiltərə çempionu olub. 2016-cı ildən komandanın baş məşqçisi işləyən Qvardiola “Mançester Siti”ni üçüncü dəfə turnir cədvəlində birinci yerə yüksəldib. Daha əvvəl “Mançester Siti” ispan mütəxəssisin rəhbərliyi altında 2017/18 və 2018/19 mövsümlərində də ölkə birincisi olub.
Qeyd edək ki, ötən mövsümdə çempionluq titulunu “Liverpul” qazanıb.
