Türkiyənin “Demokratiya və Milli Birlik Günü” münasibətilə Nyu-Yorkda fəaliyyət göstərən “Türk evi”nin on altıncı mərtəbəsinin eyvanından 15 iyul dövlət çevrilişi cəhdinə qarşı mübarizədə həlak olan 252 şəhidin adlarının və fotoşəkillərinin əks olunduğu nəhəng poster asılıb.
“Report”un ABŞ bürosu xəbər verir ki, Türkiyənin Nyu-Yorkdakı Baş Konsulluğunun hazırladığı posterdə “Heç vaxt unutma” şüarı da yer alıb.
Nəhəng poster yerli ictimaiyyətin diqqətin çəkib. Yerli media “Türkiyə 15 iyul şəhidlərinin xatirəsini anır” başlığı ilə xəbərlər yayımlayıb.
Xatırladaq ki, 2016-cı il iyulun 15-də Türkiyədə dövlət çevrilişinə cəhdin qarşısı alınarkən 252 mülki şəxs və hərbçi şəhid olub.