İstanbul danışıqlarında iştirak edəcək Rusiyanın nümayəndə heyətinin tərkibi məlum olub.
“Report” xəbər verir ki, nümayəndə heyətinə Rusiya prezidentinin köməkçisi Vladimir Medinski (nümayəndə heyətinin rəhbəri), Rusiya XİN başçısının müavini Mixail Qaluzin, Rusiya Silahlı Qüvvələri Baş Qərargah rəisinin müavini İqor Kostyukov və müdafiə nazirinin müavini Aleksandr Fomin daxildir.
Qeyd edək ki, nümayəndə heyətinin tərkibini Rusiya prezidenti Vladimir Putin təsdiqləyib.
