Yaponiya Cənub-Şərqi Asiya Ölkələri Assosiasiyası (ASEAN) ilə əməkdaşlığın gücləndirilməsinin tərəfdarıdır.
“Report” xarici KİV-ə istinadən xəbər verir ki, bunu Tokioda keçirilən Yaponiya-ASEAN sammitində Yaponiyanın baş nazir Fumio Kisida deyib.
Onun sözlərinə görə, hüquqi dövlətə əsaslanan beynəlxalq nizam ciddi problemlərlə üz-üzədir: “Yaponiya ASEAN ilə həmişəkindən daha sıx əməkdaşlıq etmək istəyir”.
Öz növbəsində ölkəsi hazırkı sammitə həmsədrlik edən İndoneziya prezidenti Coko Vidodo Yaponiyanı ASEAN üçün mühüm tərəfdaş adlandırıb.
