Dua eylə ümid üçün,
inam üçün–
başa çıxsın,
ümidsizlik, inamsızlıq
boşa çıxsın.
Üzə çıxmış bu ümidi,
bu inamı,
bu dözümü,
bu vüqarı,
nurlu-nurlu
arzuları
ürəyinə topla odlu
yumaq kimi,
döyündükcə
ürəyindən damarına
axıb getsin
şəfa verən
bulaq kimi.
Qana hopsun!
Cana hopsun!
Dizıərinə taqət versin–
cəsarətli addımından
yer yitrəsin,
lərzə qopsun!
Qollarında
gücə dönsün–
qolaylanıb elə vur ki,
zor, şər, zülm,
heçə dönsün!
Gözlərinə işıq versin,
baxışınla yanğınlar sal
canavarlar yuvasına,
acı qəhqəhələrlə gül
tülkü, çaqqal vəfasına,
zəhər qatsın iti dilin
tülkülərin, çaqqalların
canavarlar kölgəsində
sürdükləri səfasına…
Dua eylə!..
Düyünlərin çözülsün qoy!
Dua eylə!..
Şərin boynu üzülsün qoy!
Dua eylə!..
kirpiklərə, nəhayət ki,
misilsiz bir səadətin
doğurduğu
göz yaşları düzülsün qoy!
noyabr 2020-ci il
