Bu gün UEFA Millətlər Liqasında sonuncu finalçı müəyyənləşəcək.
“Report” xəbər verir ki, Almaniyada təşkil olunan raundun ikinci günündə İspaniya Fransa ilə üz-üzə gələcək.
İngiltərəli referi Maykl Oliverin idarə edəcəyi qarşılaşma “Ştutqart Arena”da, Bakı vaxtı ilə saat 23:00-da start götürəcək.
Qeyd edək ki, ötən gün baş tutan ilk yarımfinal matçında Portuqaliya millisi Almaniyanı 2:1 hesabı ilə məğlub edərək adını finala yazdırıb. UEFA Millətlər Liqasında final və üçüncü yer uğrunda oyunlar iyunun 8-də keçiriləcək.
