“NASA” və Pentaqon rəsmiləri astronavtları və yükləri Beynəlxalq Kosmik Stansiyaya çatdırmaq və orbitə hərbi peyklər çıxarmaq üçün “SpaceX”in raket və kosmik gəmilərinin mümkün əvəzedicilərini axtarırlar.
“Report” xəbər verir ki, bu barədə “Washington Post” öz mənbələrinə istinadən məlumat yayıb.
Qeyd olunub ki, ABŞ prezidenti Donald Tramp və İlon Mask arasında ictimai mübahisədən sonra “NASA” və Pentaqonun nümayəndələri Maskın “SpaceX” şirkətinin rəqiblərinə alternativ buraxılış aparatları və gəmiləri tez bir zamanda inkişaf etdirmək çağırışı ilə müraciət ediblər.
“SpaceX”, ABŞ kosmik agentliyi ilə müqaviləyə əsasən, 2020-ci ildən bəri öz “Crew Dragon” kosmik gəmisində ekipajları BKS-ə çatdırır, “Roskosmos” və “NASA” arasında çarpaz uçuş proqramının bir hissəsi kimi istifadə olunur.
Qəzet vurğulayıb ki, Pentaqon həm də xüsusi gizli peyklərini orbitə çıxarmaq üçün “SpaceX” şirkətindən çox asılıdır. Son günlərdə hər iki qurumun nümayəndələri “Amazon”un qurucusu Jeff Bezosa məxsus “Rocket Lab”, “Stoke Space” və “Blue Origin” daxil olmaqla ən azı üç ABŞ kosmik şirkəti ilə əlaqə saxlayıb.
“Bundan başqa “NASA” ilə özəl aerokosmik şirkəti “Sierra Space” arasında görüş baş tutub. “NASA” və Pentaqonun narahatlıqları “SpaceX”in rəqiblərinin Maskın şirkətinə çata bilməməsi, onun liderliyini şübhəsiz hala gətirməsi və hökumətə bir neçə başqa variant buraxması ilə daha da artır”.
