27 sentyabr – Dünya Turizm Günüdür. Bu beynəlxalq bayram dünyada 30 ildən artıqdır ki, qeyd edilir. Bu gün münasibətilə turizm və turizm biznesinə həsr olunan tədbirlər, festivallar keçirilir.
Azərbaycanda Dünya Turizm Günü 2001-ci ildən, Azərbaycanın Beynəlxalq Turizm Təşkilatına üzv olduğu vaxtdan qeyd olunur.
Bu gün münasibətlə M.F.Axundzadə adına Azərbaycan Milli Kitabxanasının əməkdaşları tərəfindən “27 sentyabr – Dünya Turizm Günü” adlı virtual sərgi hazırlanıb.
Kitabxanadan AZƏRTAC-a bildirilib ki, virtual sərgidə turizm ilə əlaqədar kitablar, dövri mətbuat səhifələrində dərc olunan məqalələr, fotolar nümayiş olunur.
Virtual sərgi ilə tanış olmaq istəyənlər http://anl.az/el/vsb/Beynelxalq_Turizm_Gunu/index.htm linkindən istifadə edə bilərlər.
