“Türkiyə ABŞ-ın NATO-dakı mühüm müttəfiqidir”.
“Report” xəbər verir ki, bu barədə Ağ evdə Milli Təhlükəsizlik Şurasının strateji kommunikasiyalar üzrə əlaqələndiricisi Con Kirbi brifinqdə bildirib.
“Türkiyə Prezidenti Rəcəp Tayyip Ərdoğanın açıqlamalarına münasibət bildirmək hüququnu özündə saxlayırıq. Mühüm NATO müttəfiqi olması faktının yanında olmaq üçün onun hər məsələdə dediyi sözlərlə razılaşmaq məcburiyyətində deyilik”, – Con Kirbi deyib.
Onun sözlərinə görə, Türkiyə Prezidenti xüsusilə Qara Dəniz Taxıl Təşəbbüsünün həyata keçirilməsinə müsbət töhfə verib.
