Futbol üzrə dünya çempionatında Türkiyə ABŞ ilə üz-üzə gəlib.
“Report”un məlumatına görə, Los-Anceles stadionunda keçirilən D qrupunun III turunun matçında “ay-ulduzlular” 3:2 hesablı qələbəyə seviniblər.
Avropa təmsilçisinin heyətində Arda Güler (10), Barış Alper Yılmaz (31) və Kaan Ayhan (90+8) diqqət mərkəzinə düşüblər. Amerikalıların qollarını isə Oston Trasti (3) və Sebastyan Berhalter (49) vurublar.
Qeyd edək ki, ABŞ 6 xalla qrupu birinci sırada başa vurub. Komanda pley-off mərhələsində Bosniya və Herseqovina seçməsi ilə qarşılaşacaq. Türkiyə isə ilk iki görüşdə məğlub olduğu üçün qrupu sonuncu pillədə başa vurub və mundialla vidalaşıb.
