Dünən Brüsseldə təxminən iki ay davam edən İntibah festivalı başa çatıb.
Festival (18 may – 5 iyul) Müqəddəs Roma İmperiyasının imperatoru V Karlın hakimiyyəti və İntibah dövrü zamanı Brüsselin tarixi və mədəniyyətinə həsr olunub. Şəhər Avropa siyasətinin və mədəniyyətinin mərkəzi kimi tanınır.
Festival çərçivəsində bu dövrdə müxtəlif tədbirlər və təqdimatlar keçirilirdi ki, bunların da kulminasiyası “Ommegang” bayramı (niderland dilindən tərcümədə yürüş və ya mərasim deməkdir) oldu. Festivalın son günündə cəngavərlər turniri keçirilir. Burada həmçinin orta əsr ustalarının və sənətkarlarının işi ilə tanış olmaq mümkündür.
“Report”un Avropa bürosu İntibah festivalından və “Ommegang” bayramından fotoreportaj təqdim edir:
