B.Vahabzadə küçəsinin dil mənzərəsi

Gülyaz ƏLİYEVA

Yarandığı mart ayından bəri FADMM tərəfindən şəhərin Azərbaycan prospekti, 28 May küçəsi və Bakı vağzalyanı küçə, M.Ə.Rəsulzadə , M.Şərifzadə, M. Füzuli, Ş.Qurbanov, H.Cavid, Ə.Haqverdiyev küçələrindən 500-dən artıq şəkil çəkilib, linqivistik təhlilləri verilib, dil haqqında qanun və fərmanlardan sitatlarla ictimaiyyətə təqdim olunub. Bu gün sizi B.Vahabzadə küçəsinin dil mənzərəsi ilə tanış edəcəyik. Çətin pandemiya şəraitində, istidə, küləkdə, yağışda Bakı küçələrini qarış-qarış gəzib, “başmaq seyri”nə çıxaraq, təccüblü, qınayıcı baxışlar altında bütün bu şəkilləri çəkməyin əziyyətini çəkən FADMM sədri Vasif Sadıqlıya təşəkkürümüzü bildirdikdən sonra birbaşa mətləbə keçmək istəyirəm. Dilimiz haqqında, dil haqqında verilən qanunlar haqqında, Bakıda bu işin vəziyyəti, qanunun nə dərəcədə işləkliyi haqqında bir kəlmə də demədən ticarət və iaşə obyektlərinin adlarını sizə təqdim edəsəyik.

Baxın, yaxşı -yaxşı baxın .Bu sizin tarix kitabında əcnəbicə yazəlmış bir səhifə olacaqdır!Burda Azərbaycan dili özünü yad ölkədəki kimi hiss edir. Burda inana bilmirsən ki, bura Azərbaycanın paytaxtı Bakı şəhəridir, baxın, burda Azərbaycan dili dövlət dilidir və Azərbaycan dilinin dövlət dili olması ilə əlaqədar bir sıra qanun və fərmanlar verilib. İnanmırsınızsa, siz də baxın. Baxın, bura paytaxtın ömrü boyu ana dilini təbliğ edən :

“Siz ey doğma dilində danışmağı ar bilən fasonlu ədabazlar,”

– deyən B. Vahabzadənin adını daşıyan küçədir. Deyəsən , burada vətən çörəyi hamıya qənimdir!

Burda küçədən çəkilmiş şəkillər özü hər sözü və bu vəziyyətin nə yerdə olduğunu açıq-aşkar deyir. Bizim nəsə deməyimizə, belə başa düşürəm ki, heç bir ehtiyac qalmır.

B.Vahabzadə küçəsində 48-ədək şəkil çəkilib. Onlardan 14-ü əcnəbi, 2- si türk, 10 -u qarışıq , iki dildə, 1– i hibrid, 13-ü azərbaycancadır.

Acınacaqlı haldır ki, xarici dildə yazılanlar nə qədər gözoxşayan, təmtəraqlı yazılıbsa, Azərbaycan dilində yazılanlar, bir o qədər savadsız, zövqsüz və kasıbcasına yazılışı ilə yadda qalır. Kompüter sözü isə 3 yerdə üç cür yazılıb. Birində “Kompyuter”, birində “komputer”, birində isə “kompüter” şəklində. Bu da bizim orfoqrafiyamızın son zamanlar bir neçə dəfə dəyişmısinin gözəl nəticəsindən xəbər verir. Əhsən, bizlərə! Həmçinin, azərbaycanca yazılanları da sanki təkcə bu dilin orfoqrafiyasını deyil, dilin özünü, onun leksikası və qrammatikasını bilməyən, ya da təzəcə öyrənən əcnəbi birinə yazdırmışlar. Məsələn , “Can ət”, “Qoç ət”, “Kabab keyfi” , “Buzov Dönər”, “Padişah”.O qədər inkişaf etmişik ki, bu sahədə, hətta hibrid dil də yaratmışıq. “in Manqal”…

Əcnəbi dildə olanlar:

“Barattson”

“Asila beauty center”

Education First

Fashons Digital life noco

Asila

İs MUDO

SUSHİ cafe lounge

Diva Boutiqne

“Mobile Gallery”

Leliga

Game center